Միջոցառումներ
Հելոուինի տոնակատարություն Կապանի ամերիկյան անկյունում
4:00pm 31.10.2011
2011թ. հոկտեմբերի 31-ին Կապանի ամերիկյան անկյունում տեղի ունեցավ Հելոուինի տոնակատարություն: Այս ամերիկյան տոնը հայ աշակերտներին ներկայացրին Կապանի Խաղաղության Կորպուսի կամավորները: Կապանի դպրոցների տասը աշակերտներ եկել էին նոր բաներ սովորելու այս շատ հանրաճանաչ ամերիկյան տոնի մասին:
Նախ այս ոլորտում արդեն փորձառու Խաղաղության Կորպուսի կամավորը փորագրեց դդումը, ապա երեխաները ներկեցին միմյանց դեմքերը, որ ավելի նման լինեն կենդանիների, հրեշների և կախարդների: Այնուհետև դպրոցականները հետևեցին կամավորականների ներկայացմանը Հելոուինի պատմության, նրա ծագման, նշանակության, ձևափոխության և կամավորների սեփական փորձի մասին:
Վերջապես երեխաները արտասանեցին բանաստեղծություններ Հելոուինի վերաբերյալ: Սա մի նոր և հետաքրքիր փորձ էր նրանց համար:
Բայց ամենաշատը նրանք հավանեցին այս տոնի «հյուրասիրությու՞ն թե՞ կատակ» սովորությունը: Եվ սա բնական է, քանի որ աշխարհի բոլոր երեխաները սիրում են քաղցրավենիք և, հավանաբար, սա ամենալավ տոնն է շատ կոնֆետ ուտելու համար. Նոր տարուց և Սուրբ ծննդից հետո, իհարկե…
Այլ Անկյուններում
| 23.05.2012 2:30pm | Քլարա Բարթոն՝ ամերիկացի հերոս Չորեքշաբթի, մայիսի 23-ին ժամը 14:30-ին, հրավիրում ենք մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի «Քլարա Բարթոն՝ ամերիկացի հերոս» խորագրով դասախոսությանը: |
| 19.05.2012 1:00pm | Կյանքը ամերիկյան հարավում. գոյատևման ուղեցույց Շաբաթ, մայիսի 19-ին ժամը 13:00-ին հրավիրում ենք մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: «Կյանքը ամերիկյան հարավում. գոյատևման ուղեցույց» թեմայով : |
| 16.05.2012 2:30pm | Համալսարանից դեպի անձնական կարիերա. ուսումնառությունն ավարտելուց հետո աշխատանք գտնելը ԱՄՆ-ում Չորեքշաբթի, մայիսի 16-ին ժամը 14:30-ին հրավիրում ենք մասնակցելու Երևանի ամերիկյան անկյան «Ամերիկացիները ամերիկյան անկյունում» շարքի հերթական դասախոսությանը: |
| 15.05.2012 2:30pm | Անգլերեն լեզվի դասընթացի ավարտական միջոցառում Մայիսի 15-ին Երևանի ամերիկյան անկյունում տեղի ունեցավ անգլերեն լեզվի դասընթացն ավարտած երիտասարդների ավարտական միջացառումը: |